عەرەبستان شێخ نەمەر‌و 46 كەسی دیكەی لەسێدارەدا

عەرەبستانی سعودی ئەمرۆ شەممە راگەیاند شێخ نەمەر، ئاخوندی شیعەی ناڕازی‌و 46 كەسی دیكەش بە تۆمەتی بەشداریی لە كردەوەی تیرۆریستی لەسێدارەداوە.

بەپێی راپۆرتێكی ئاژانسی رۆیتەرز، شێخ نەمەر كە یەكێك لە ناڕازیانی سیاسیەتی سعودیە بوو نزیكەی دوو ساڵ لەوەپێش بەتۆمەتی نانەوەی ئاژاوە‌و پیلان دژی حكومەتی ریاز دەستگیركرابوو.
كۆماری ئیسلامی ئێران بەردەوام پشتیوانی  شێخ نەمەری كردوە‌و شیعەكانی سعودیە دژی حكومەتی ئەو وڵاتە هانداوە.