زاگرۆس پۆست
ئاگر ئاگر..!!
ئاگر ئاگر…مەم سووتێنە!
هێشتا بەڕووی کرچ و کاڵی دارستانم.
لە ڕۆژی شایی ژینمدا!
مەمکە ژینگەی مەرگ و نەمان.. !
بۆ مەلان و ئاژەڵانم..
مرۆڤە بێ ژینگەکانم.
دووکەڵ دووکەڵ..!!
مەم خنکێنە!
من ئیلامم..!
کوردستانم..!
شابووکی “شەلم” ی کوردانم.
من دار بەڕووم….!
میراتی باو و باپیری، ڕۆڵەکانی نیشتمانم.
ئاگر ئاگر! دووکەڵ دووکەڵ!
مەم سووتێنە..!،مەم خنکێنە..!
بەسە ئیتر…
دڵی هەڵ قرچاوی چیام…!
شەتڵی شلک و شووشی خەمم..!
تاسە باری ژینگەی ژینە
برێشکاوی “شەلم”ی شینە.
مەم سووتێنە ..مەم خنکێنە..
*شەلم؛ ناوی دارستانی هەڵقرچاو و سووتاوی ئەمڕۆی ئیلامە کە لە ڕۆژی جیهانی ژینگە دا بوو بە قەقنەس
