سێ شه‌ممه‌ 6 كانونی یه‌كه‌م 2022

بووكی زاگرۆس لە ئاگردا سووتا

داربەڕووە هەزار ساڵەكانی پارێزگای ئیلام ناسراو بە “بووكی زاگرۆس” لە ئاگردا سووتان.

بە پێی راپۆرتەكان لەمبارەوە، ئێوارەی دوێنێ پێنجشەممە 14ی مانگی جۆزەردان دارستانەكانی چاقاسەوز لە كێوی شەلم ئاگری تێبەردرا و بەو بۆنەوە بە دەیان هێكتار لە دارستانەكانی ئەو ناوچەیە سووتێندرا.

نزیكەی 87% لە پانتایی خاكی پارێزگای ئیلام دارستان و داربەڕوو دایگرتووە و لە ماوەی یەك مانگی رابردوو 4 جار ئاگری تێبەردراوە و ئەم پارێزگایە كە 640 هەزار هێكتار دارستانی هەیە و 60% لە داربڕەووەكانی بە هۆی كەمتەرخەمیی لایەنە بەرپرسیارە حكومەتییەكانەوە لە حاڵی لەنێوچووندایە، بە هۆی ئاگركەونەوەكانیشەوە دەیان هێكتاری دیكەی لێ سووتاوە.

دەبێ بوترێ، زۆر جار دارستان و ناوچە جەنگەڵیەكانی كوردستان لە لایەن خودی دەستوپەیوەندەكانی كۆماری ئیسلامیەوە ئاگریان تێبەر دەدرێت و هۆكارەكەشی ئەوەیە كە شاخ و دارستانەكانی كوردستان هەمیشە لانكە و شوێنی حەوانەوەی هێزی پێشمەرگەی خەباتكاری كورد بووە و كۆماری ئیسلامی بەم بیانووەوە خەریكی لەنێوبردن و فەوتانی سروشتی كوردستانە.

بابەتی هاوپۆل

«خدیجە مھدی پور» بە ٢٠ ماە حبس تعزیری محکوم شد

«خدیجە مھدی پور» بە ٢٠ ماە حبس تعزیری محکوم شد برپایەی گزارشھا؛ فعال زن کرد …

وەڵامێک بنووسە

پۆستی ئەلکترۆنیکەت بڵاو ناکرێتەوە .

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.