داخستنی دوو رۆژنامە لە ئێران

هەیئەتی تایبەت بە راگەیاندنەكانی ئێران رۆژی 15ی بەفرانبار هەردوو رۆژنامەی بەهار‌و هەفتەنامەی شهروند امروزی بە تاوانی سووكایەتی، بڵاوكردنەوەی نایاسایی‌و چالاكیە تەبلیغی دژی رژیم بە تاوانبار ناساند.

دادگای راگەیاندنەكانی ئێران، حەمید عەتریانفەر بەڕێوەبەری بەرپرسی شهروند امروز‌و سەعید پورعەزیز بەڕێوەبەری بەرپرسی رۆژنامەی بەهاری بە تۆمەتی پڕوپاگەندە دژی كۆماری ئیسلامیی مەحكوومكرد.

رۆژنامەی بەهار سەرەتا بە شێوەی خۆڕسك دەستی بەكاركرد‌و ماوەیەك دواتر بە تەواوی راگیرا‌و پاشان سەرنووسەرەكەی بە تاوانبار ناسرا. هاوكات هەفتەنامەی شهروند امروز تا ئێستا دووهەمین جارە كە لە لایەن كۆماری ئیسلامیەوە دادەخرێت.