زاگرۆس پۆست
كەناڵی ٢ی ئاسمانیی سوید(P2)، ریزبەندێكی لە هونەرمەندانی نیشتەجێی ئەو وڵاتە بڵاو كردووەتەوە، كە ناوی هونەرمەند “ناسر رەزازی” لە ریزی یەكەمدایە و وەكوو باشترینەكان دیاری كراوە.
هونەرمەندی دووەمی ناو ریزبەندییەكە كەسێكی دیکەی كوردی رۆژهەڵاتیی بەناوی “پێدرام شەهلایی” كە كەمان دەژەنێ و بە “باوكی كەمان” ناسراوە.
بەڕێوەبەرانی كەناڵی دووی سوید، كە رادیۆیەكیشیان بەو ناوە هەیە، بۆ ڕیزگرتن لە كاری چەند ساڵەی هونەریی ڕەزازی كۆنسێرتی تۆماركراوی لە رێكەوتی ٢٦ی مەیدا بڵاو دەكاتەوە.
هەروەها بڕیاریشە ناسر ڕەزازی بانگهێشتی بەرنامەكە بكرێت و خەڵاتی پێ ببخشرێت و هەر ئەو كەناڵە بریاری داوە كۆنسێرتێكیش بۆ پێدڕام شەهلایی ساز بكات.
