زاگرۆس پۆست
تەرمی ئۆستوار یەكەم “سادق یوسفی” كە بە پێی راگەیەندراوەكانی كۆماری ئیسلامی سەرلەبەیانی دوێنێ چوارشەممە 30 مانگی گوڵان بە دەستی هێزی پێشمەرگەی كوردستان لە پاسگای سنووری ئاوایی “ئەنجیران” لە شاری مەریوان كوژرابوو، دوانیوەڕۆی هەمان رۆژ ئەسپەردە كرا.
بە پێی راپۆرتی ماف نیوز، رێوڕەسمی مەرگی ئەو چەكدارەی كۆماری ئیسلامی، بە ئامادەبوونی پێشنوێژی مەریوان و كاربەدستانی نیزامیی و ئینتزامیی بەڕێوەچوو.
تەرمی ئەو سۆستوار یەكەمە كە ناوی “حاج سادق یوسفی” و خەڵكی شاری قوروە سەر بە پارێزگای سنە بووە، بڕیار بوو ئەمڕۆ لەو شارەدا ئەسپەردە بكرێ.
تا ئێستا وردەكاریی زۆرتر لەمبارەوە لە لایەن سەرچاوە حكومەتییەكانەوە بڵاو نەكراوەتەوە.
هەروەها هیچ حیزبێكی كوردستانیش بەرپرسیاریەتی كوژرانی ئەو چەكدارەی كۆماری ئیسلامی نەگرتووەتە ئەستۆ.
