زاگرۆس پۆست
هێشتا ژمارەیەك كەس لە كوردانی ئێزدی لەدەستی چەكدارانی داعشدا ماون، بەڵام نوویسنگەی كاروباری رفێندراوان لە شاری دهۆك نوێترین ئاماری رزگاربووانی دەستی داعشی راگەیاند و بەپێی ئامارەكە تاوەكو ئێستا هەزار و 750 كەس لەژێر دەستی داعش رزگاركراون.
هەروەها نوویسنگەی كاروباری رفێندراوان پێشبینی دەكات جیا لەو 10 گۆڕە بەكۆمەڵەی ئێزیدیەكان كە دۆزراونەتەوە، 9 گۆڕی دیكەش مابن لەو ناوچانەی ئێستا لەژێر دەستی چەكدارانی داعشدان.
بەپێی ئامارەكان پێدەچێ دوای هێرشی چەكدارانی گرووپی تیرۆریستی داعش بۆسەر شنگال و زۆرتر لە 4 هەزار و 500 كەس كەوتبنە ژێر دەستی داعش، هەروەها زۆرتر لە 120 كەسیش شەهیدبووبن.
