زاگرۆس پۆست
“مەسعود حاجی زەوارە” وەرزشوانی كوردی تێكواندۆكاری كێشی 74_ كیلۆی تیمی ئێران كە خەڵكی شاری كرماشانە، پلەی یەكەمی جیهانی مسۆگەر كرد و دووهەمین میداڵی زێڕی بۆ وڵاتی ئێران بەدەستهێنا.
لە درێژەی بیست و دووهەمین خولی پێشبڕكێی وەرزشی تێكواندۆی پاڵەوانیەتی جیهان (G12)، مەسعود حاجی زەوارە نوێ،ەری كێشی 74_ ی خەڵكی شاری كرماشان لە قۆناغی كۆتایی لە بەرامبەر “نیكیتا رافالوویچ” لە ئۆزبەكستان (پێشتر پلەی دووهەمی پاڵەوانیەتی ئاسیایی ئینچۆئێنی مسۆگەر كرد بوو) توانی 9 خاڵ بەرامبە ر بە 7 خاڵ سەركەوتن بەدەستهێنێت و میداڵی زێڕی كێشەی پێنجەم لە مل بكات.
حاجی زەوارە پێشتریش لە قۆناغی پێش كۆتایی “ئالبێرت گائۆن” لە وڵاتی رووسیە (پلەی دووهەمی پێشبڕكێیەكانی پاڵەوانیەتی جیهان) شكست دابوو.
شایانی باسە، ئەم وەرزشوانە كوردە كرماشانیە ئەمە شەشمین جارە كە لە بوارەكەی خۆیدا میداڵی زێڕی پاڵەوانیەتیی جیهان لە مل دەكات.
