پێنج شه‌ممه‌ 28 ئازار 2024

15% لە گیرۆدەبووانی مادەهۆشبەرەكان لە ئێران ژنان پێكی دەهێنن

ئامارە حكومەتییەكانی ئێران بس لەوە دەكات كە یەك میلیۆن و 350 هەزار گیرۆدەی مادەهۆشبەر لە ئێران بوونی هەیە و لەو رێژەیەش نزیكەی 15% ژنان پێكی دەهێنن. ئاماری دامەزراوە دەوڵەتی و مەدەنیەكان جیاوازییەكی یەكجار زۆریان هەیە و پێدەچێ لە ئێران زیاتر لە 2 میلیۆن هاوڵاتیی گیرۆدەی مادەهۆشبەرەكان بووبێتن.

بە پێی راپۆرتی ماف نیوز، ئیدارەی پێشگیریی و چارەسەركردنی گیرۆدەبووانی مادەی هۆشبەری رێكخراوی بێهزیستی رایگەیاندووە: 130 هەزار ژنی گیرۆدەی مادەی هۆشبەر لە ئێران بوونیان هەیە كە 37 هەزار كەسیان هانە ژێر چاودێریی رێكخراوی بێهزیستیدا.

“رەزا بەراتی” چالاكی مەدەنی لەوبارەوە وتوویەتی: ئەوەیكە ئێستا زۆرێك لە ژنانی گیرۆدە لە ژێر چاودێرییدان، لە ناوەندە كاتیەكاندا جێگر كراون، بەڵام سەبارەت بە چارەنووسی باقی ژنانی گیرۆدە بە مادەی هۆشبەر و زۆربەیان سەرپەنا و پیشەیەكیان نیە، كاربەدەستانی حكومەتیی هیچ قسە و باسێك ناكەن.

بەراتی دەڵێ: رێژەی ناوەندەكانی پارێزگاری كردن لە گیرۆدەبووان باش نیە و بۆ چارەسەریی و پێشگرتن لە گیرۆدەبوون بە مادەهۆشبەرەكان زۆر كەمن.

ناوبراو رێژەی گیرۆدەبووان زیاتر لە 2 میلیۆن كەس هەڵدەسەنگێنێت و دەڵێ: بە سەرنج بە ئەو ئامارە ناڕاستانە لە لایەن دەوڵەتەوە بڵاو دەكرێتەوە، رێگای چارەسەركردنی كێشە كۆمەڵایەتیەكان دژوار بووەتەوە.

گیرۆدەبوون لە وڵاتانی پێشكەوتوو وەكوو نەخۆشییەك سەیر دەكرێت و لە رێگای نەشتەرگەریی و رەوانشناسیەوە چارەسەریی بۆ دەكرێ، بەڵام لە ئێران ئەم دیاردەیە وەكوو تاوان سەیر دەكرێت و هەڵسووكەوتی نەشیاو لەگەڵ گیرۆدەبووان بە مادەهۆشبەرەكان روو دەدات.

ساڵانە سەدان كەس بە تاوانی پەیوەنددار بە مادەی هۆشبەرە ئێعدام دەكرێن بەڵام هەتا ئێستا ئەو جۆرە بەرەنگاربوونەوەیە هیچ كاریگەرییەكی لەسەر بازاڕی كڕین و فرۆشتنی مادەی هۆشبەر نەبووە.

بە پێی توێژینەوەكانی دەفتەری خوێندنەوەی كلتووریی وەزارەتی زانستی ئێران كە دەیەی 80 هەتاویی ئەنجام دراوە، 11% لە خوێندكارانی ئێران بە شێوەی بەردەوام مادەی هۆشبەر بەكاردەهێنن.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …

وەڵامێک بنووسە

پۆستی ئەلکترۆنیکەت بڵاو ناکرێتەوە .

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.