كوژرانی لاوێك لە سەقز بە دەستی هێزی ئینتزامی

بە پێی هەواڵێكە لە تۆڕی كۆمەڵایەتیی فەیسبووك بڵاوە بوەتەوە، لاوێكی كورد خەڵكی شاری سەقز پاش ئەوەی لەگەڵ هێزەكانی ئینتزامی تووشی دەمەقاڵەیەكی ئاسایی دەبێت، بەرەوڕووی تەقە دەبێتەوە‌و لە ئەنجامدا گیانی لەدەستدەدات.
بە پێی ئەم هەواڵە، كاوە مستەفایی 23 ساڵ تەمەن‌و دانیشتووی گەڕكی كەریم ئاوای شاری سەقز بە بێ هیچ هۆكارێك‌و تەنیا بە هۆی هاتنەئارای كێشەیەكی بچووك لەگەڵ مەئمورانی هێزی ئینتزامی لە شاری سەقز، دەدرێتە بەر دەسڕێژیی گوللە‌و گیانی لەدەستدەدات.
كاوە مستەفایی شارۆمەندێكی ئاسایی بووە‌و خەریكی بەڕێوەبردنی ژیانی ئاسایی خۆی بووە‌و بە وتەی شایەتحاڵەكان كوژرانی ناوبراو ناڕەزایەتی خەڵكی لێكەوتوەتەوە.