زاگرۆس پۆست
ناوەندی پیشەیی مامۆستایانی ئێران لە راگەیەندراوێكدا، رۆژی یەكشەممە رێكەوتی ١٠ی رەشەمەی ١٣٩٣ی هەتاویان بۆ بەڕێوەبردنی كۆبوونەوەی بەرینی ناڕەزایەتیی لە سەرانسەریی ئێران سەبارەت بە دۆخی ئێستای مامۆستایان دیاری كرد.
وردەكارییەكانی ئەو كۆبوونەوە بەرینە لە راگەیەندراوی ناوەندی پیشەیی مامۆستایان سەبارەت بە كۆبوونەوەی ناڕەزایەتی بەم چەشنەیە:
١ــ كۆبوونەوەكە رۆژی یەكشەممە رێكەوتی ١٠ی رەشەمە بەڕێوە دەچێت.
٢ــ لە تاران كۆبوونەوەكە لە كاتژمێر ١٤ هەتا ١٦ی دوانیوەڕۆ لە بەردەم مەجلیسی كۆماری ئیسلامی و لە شارەكانی دیكە لە بەردەم لقی ناوەند، لە ئیدارەكانی پەروەردە و بارهێنان بەڕێوە دەچێت.
٣ــ كۆبوونەوەكە لە بەردەم مەجلیس، بە شێوەی “بێ دەنگ” (ساكت) بەڕێوە دەچێت.
ئەو مانگرتنە سەرتاسەرییە لەسەر داواكاریی هەندێك لە دامەزراوە پیشەییەكانی مامۆستایان، لە هەمبەر بە ناعەداڵەتی بەرامبەر بەو توێژە فەرهەنگییە بەڕێوە دەچێت.
