زاگرۆس پۆست
بە هۆی رنۆی بەفر لە باكووری رۆژهەڵاتی وڵاتی ئەفغانستان لانیكەم 100 كەس گیانیان لەدەستدا.
كاربەدەستانی ناوچەی پەنجەشێر بە پشتڕاست كردنەوەی كوژرانی ئەم كەسانە، هێشتاكە دەڵێ، دەیان كەسی دیكەش ون بوونە و پێدەچێ رێژەی كوژراوەكان روو لە زیاد بوون بكات.
بارینی بەفری قورس بە ماوەی 2 رۆژی بەردەوام، بووەتە هۆی بەسرانی رێگا سەرەكیەكان و كاری یارمەتی گەیاندنی دژوار كردووەتەوە. كاربەدەستان دەڵێن بارینی ئەم رێژەیە لە بەفر لە ئەفغانستان، بێ وێنە بووە.
لە ناوچەی پەنجەشێر حاڵەتی نایاسایی راگەیەندراوە.
