پێنج شه‌ممه‌ 2 كانونی یه‌كه‌م 2021
ماڵەوە / کوردستان / چالاكێكی مەدەنی لە شاری دیواندەرە دەستگیر كرا

چالاكێكی مەدەنی لە شاری دیواندەرە دەستگیر كرا

چالاكوانێكی مەدەنیی كوردی خەڵكی شاری “دیواندەرە” لەلایەن هێزە ئەمنی و ئیتلاعاتییەكانی ئێرانەوە دەستیگر و بۆ شوێنێكی نادیار راگوێزراوە.

بە پێی راپۆرتی سەرچاوەكانی هەواڵ، “یەدوڵڵا محەممەدی” تەمەن 42 ساڵ و چالاكوانی مەدەنیی خەڵكی شاری دیواندەرە رۆژی دووشەممە 4ی مانگی رەشەممە، لەلایەن هێزە ئیتلاعاتییەكانی حكوومەتی ئێرانەوە قۆڵبەست و بۆ شوێنێكی نادیار راگوێزراوە.

دەوترێ هێزە ئەمنییەكان لە كاتی دەستبەسەركرانی ئەو چالاكوانە كوردەدا هیچ هۆكارێكیان رانەگەیاندووە و بەم بۆنەوە بنەماڵە و كەسوكاری نیگەرانیی چارەنووسی ناوبراون.

هەتا ئێستا لە هۆكاری گیران و ئەگەری هەر تۆمەتێك بۆ سەر یەدوڵلا محەممەدی هیچ زانیاری و هەواڵێك لەبەردەستدا نییە.

شایانی باسە، لە ماوەی یەك مانگی رابردوودا كۆمەڵێكی بەرچاو لە چالاكوانانی سیاسی، مەدەنی و كرێكاریی كورد لە شارە جیاجیاكانی كوردستان و بە دەستی هێزە ئەمنیەتی و نیزامیەكانی كۆماری ئیسلامی دەستگیر و هەتا ئێستاش چارەنووسی ژمارەیەكیان نادیارە.

بابەتی هاوپۆل

ئەمیر بایەزیدی‌ ئازەر بۆ جێبەجێکردنی حوکمەکەی ڕەوانەی زیندان کرا

رۆژی شەممە ٢٩ی خەزەڵوەر، هاووڵاتییەکی کورد بە ناوی “ئەمیر بایەزیدی ئازەر” کوڕی “مستەفا” و خەڵکی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.