شه‌ممه‌ 27 تشرینی دووه‌م 2021
ماڵەوە / سیاسی / كچێك لە مەهاباد بە هۆی ئاڵای كوردستانەوە دەستگیر كرا

كچێك لە مەهاباد بە هۆی ئاڵای كوردستانەوە دەستگیر كرا

كچە خوێندكارێكی خەڵكی شاری مەهاباد لە لایەن حیفازەتی زانكۆكەیەوە دەستگیر و دواتر ڕەوانەی ناوەندە ئەمنیەتیەكانی ئەو شارە كرا.

بە پێی راپۆرتی باسنیوز، دوێنێ پێنجشەممە 30 مانگی رێبەندان كچە خوێندكارێكی خەڵكی ناوچەی (شامات)ی شاری مهاباد، لە لایەن حیفازەتی زانكۆكەیەوە، بانگ كراوە و دواتر ڕەوانەی ناوەندە ئەمنییەكان كراوە.

ئەو كچە، ناوی “ساناز قەمەری”یە و تەمەنی 25 ساڵە. باس لەوە دەكرێت، ساناز وێنەیەكی ئاڵای كوردستانی لە سەر لاپتۆپەكەی داناوە و بەم هۆیەوە دەزگا ئەمنییەكان لێكۆڵینەوەی لەگەڵدا دەكەن.

ئەو كچە ماوەی 3 ساڵە، خوێندكاری زانكۆی ئازادی شاری میاندواو بووە و سەرەڕای بەدواداچوونی بنەماڵەكەی، تا ئێستا هیچ زانیارییەك لە بارەی چارەنووسی لەبەردەست نییە.

پێشتریش خوێندكاری دیكەی كوردی خەڵكی مەهاباد، بە هۆی كێشانەوەی نەخشە و ئاڵای كوردستان بە (“فۆتۆشۆپ”، سزا درابوو.

ماوەیەك پێش ئێستاش، خاوەنی كارگەیەكی شیرەمەنی لە شاری ورمێ‌، بە هۆی دروست كردن و نەخشاندنی كێكێك بە شێوەی ئاڵای كوردستان، لە لایەن هێزە ئەمنییەكانەوە دەستگیر كرابوو.

بابەتی هاوپۆل

بریندار بوونی دوو کۆڵبەر لە سنوورەکانی نەوسوود لە لایان چەکدارەکانی رژیمی ئیران

بریندار بوونی دوو کۆڵبەر لە سنوورەکانی نەوسوود لە لایان چەکدارەکانی رژیمی ئیران بە پێی ھەواڵەكان، …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.