پێنج شه‌ممه‌ 2 كانونی یه‌كه‌م 2021
ماڵەوە / ئێران / جێگرە كوردەكەی ئەحمەدی نژاد رەوانەی زیندان كرا

جێگرە كوردەكەی ئەحمەدی نژاد رەوانەی زیندان كرا

دادستانی گشتیی و ئینقلاب لە شاری تاران ئەمڕۆ یەكشەممە رایگەیاندووە، حوكمی زیندانی “محەمەد رەزا رەحیمی” جێگری یەكەمی مەحمود ئەحمەدینژاد سەرۆك كۆماری پێشووی ئێران، جێبەجێ كراوە و ناوبراو رەوانەی زیندانی ئێڤین كراوە.

ماڵپەڕی دادسەرانی گشتیی و ئینقلابی تاران نووسیویەتی: بە سەرنجد بە یەكلایی بوونەوەی حوكمی محەمەد رەزا رەحیمی جێگری یەكەمی مەحمود ئەحمەدی نژاد كە پلەبەرزترین كوردی نێو كۆماری ئیسلامی دێتە ئەژمار و خەڵكی شاری قوروە لە پارێزگای سنەدایە، بە مەبەستی جێبەجێ كردنی 5 ساڵ زیندان، پێی راگەیەندراوە و دەبێ خۆی بە زیندانی ئێڤین بناسێنێت.

رەحیمی بە دەنگی لقی 11ی دادگای باڵای كۆماری ئیسلامی بە 5 ساڵ و 91 رۆژ زیندان و هەروەها دانی 2 میلیارد و 850 میلیۆن تمەن “رەدی ماڵ” و هەروەها دانی یەك میلیارد تمەن سزای نەختی مەحكوم كراوە.

پێشتر هەواڵنێرییە ناوخۆییەكان ئێران رایانگەیاندبوو، لقی 76ی دادگای پارێزگای تاران ناوبراوی بە هۆی گەندەڵی ماڵی بە 15 ساڵ زیندان و دانی 2 میلیارد و 850 میلیۆن تمەن رەدی ماڵ و یەك میلیارد تمەن سزای نەختی تۆمەتبار كردووە.

بابەتی هاوپۆل

ئەمیر بایەزیدی‌ ئازەر بۆ جێبەجێکردنی حوکمەکەی ڕەوانەی زیندان کرا

رۆژی شەممە ٢٩ی خەزەڵوەر، هاووڵاتییەکی کورد بە ناوی “ئەمیر بایەزیدی ئازەر” کوڕی “مستەفا” و خەڵکی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.