شه‌ممه‌ 22 حوزه‌یران 2024

سەرۆكی دادگوستەریی شاری روانسەر كوژرا

سەرۆكی دادگوستەریی شار روانسەر بە دەستی كەسێكی سەر بە ناوەندی بەسیجی كۆماری ئیسلامی، كوژرا.

بە پێی راپۆرتی سەرچاوەكانی هەواڵ سەرلەبەیانیی ئەمڕۆ سێ‌شەممە ٢١ی رێبەندان، “سەلیم قەنبەری” سەرۆكی دادگوستەریی شاری روانسەر بە زەبری چەكێكی كڵاشینكۆف كە دەوترێ ئەندامی ناوەندی بەسیجی كۆماری ئیسلامی بووە و پێشینەی خراوكاریشی بووە، دراوەتە بەر دەستڕێژی گوللە و پاش ئەوەیكە گواستراوەتەوە بۆ نەخۆشخانە، مردووە.

دەوترێ سەلیم قەنەبری لە كاتێكدا منداڵەكەی بردووە بۆ قوتابخانە، لە بلواری تەنیشت شارەوانیی روانسەر دراوەتە بەر دەستڕێژی گوللـەو هاوكات منداڵێكیشی بریندار بووە.

ناوبراو بۆ ماوەی ٧ ساڵ پێرسونێلی فەرمیی دادگوستەریی شارستانی روانسەر بووە و وەكوو پایە بەرزترین دادگوستەریی شاری روانسەر سەر بە پارێزگای كرماشان دێتە ئەژمار.

شوناسی هێرشبەرەكە، كە لەلایەن پۆلیسەوە دەستبەسەر كراوە، “حوسێن ریشی و كوڕێ حەسەن” خەڵكی گوندی “قۆری قەڵڵا”ی سەربە شارستانی روانسەر بووە.

ئەو كەسەی بەرپرسی دادگوستەریی روانسەری كوشتووە، تەمەن ٣٠ ساڵ و ئەندامی بەسیج و چەكی كلاشینكۆفی سپای پاسدارانی پێ بووەو ماوەیەك پێش ئێستاش برایەكی ناوبراو بەهۆی هێرش كردنە سەر مەلا قادر قادری نوێنەری خامنەیی لە شاری پاوە، بۆ ماوەیەك زیندانی كرابوو.

بەوتەی شایەتحاڵان، ئەو هێرشبەرە لەلایەن پۆلیسەوە تەقەی لێكراوەو بەو هۆیەوە بریندار بووە.

هۆكاری تەقە كردنی ئەو كەسە ئاشكرا نەبووە، بەڵام دەوترێ زۆرێك لە بەرپرسانی دادگوستەریی روانسەر، دەستیان لە گەندەڵی ماڵیدا هەیە.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.