زاگرۆس پۆست
هاوكات لەگەڵ گەڕانەوەی نوێنەرانی دەست لەكار كێشاوی پارێزگای خوزستان بۆ مەجلیس، نوێنەرانی كوردستان لە ناڕەزایەتی بە كەمبوونی بووجەی پارێزگای كوردستان لە گەڵاڵەی بووجەی ساڵی 93 رایانگەیاند دەست لەكار دەكێشنەوە.
بە پێی هەواڵێكە لە سایتی ( فرارو ) بڵاوكراوەتەوە، لە نامەی دەست لەكار كێشانەوەی نوێنەرانی كوردستان هاتووە، ئێمە نوێنەرانی كوردستان بە پێی بووجەی پێشنیاركراوی ساڵی 93 كە لە لایەن دەوڵەت رادەستی مەجلیس كراوە، بە پێچەوانەی بەڵێنەكانی سەردەمی هەڵبژاردنەكان كە رووحانی قسەی دەكرد‌و دەیوت پێویستە سەرنجێكی زیاتر بدرێتە كوردستان.
نوێنەرە کوردەکانی مەجلیس ئاماژەیان بەوەداوە، بە داخەوە تەرخانكردنی بووجەیەكی كەم، دەبێتە هۆكاری هەرچی زۆرتر دواكەوتوو راگرتنی كوردستان. بۆیە ئێمە سەرەڕای رێزگرتن لە شوێنی مەجلیسی شورای ئیسلامی‌و رێزگرتن لە خەڵكی كوردستان‌و بۆ بەدەستهێنانی مافەكانیان دەست لە كار دەكێشینەوە.
