سێ شه‌ممه‌ 21 ئایار 2024

60 هەزار كەس بە تاوانی دزی كردن لە زیندانەكانی ئێراندان

سەرۆكی رێكخراوی زیندانەكانی كۆماری ئیسلامی وتی: 3 میلیۆن كەسی سەڵت لەو وڵاتەدا دەژین و ساڵانەش 150 كەس لە یەك جیا دەبنەوە، كە ئەوەش زۆر دیاردەی خراپ بەدوای خۆیدا دەهێنێت و ئێستاكەش 60 هەزار كەس بە تاوانی دزیی كە بەشێكی پەیوەندیی بە تەڵاق و جیابوونەوەكانەوە هەیە، لە زیندانەكانی كۆماری ئیسلامیدان.

ماڵپەڕی حكومەتیی مێهر لە زاری “ئەسغەر جەهانگیر” رایگەیاندووە: ئەو گەڕەكە هەژارنشینەكانی دەوروبەری شارەكانی ئێران 9 میلیۆن و 500 هەزار كەسیان تێدایە، كە ئەم كەسانە ماڵ و سامانی خۆیان بەجێهێشتووە و بە هیوای ژیانێكی باشتر روویان لە شارە گەورەكان كردووە و ئەم كۆچ كردنەش كێشەی نوێی بۆیان ساز كردووە.
ناوبراو دەشڵێ: جگە لە جێگیر بوون لە قەراخی شارەكاندا، نزیك بە یەك میلیۆن و 500 هەزار كەسی گیرۆدە بە مادەهۆشبەرەكان و پتر لە 2 میلیۆن و 200 هەزار كەس بە پێی ئامارە فەرمیەكان لە ئێران بێكارن.
سەرۆكی رێكخراوی زیندانەكانی كۆماری ئیسلامی لە درێژەشدا باس لەوە دەكات، كە دەبێ باس لەسەر كۆچبەری، گوندنشنی، نائەمنیەكان و باقی بابەتە كەلتوورییەكان جیددی بگرین و بە دوور لەم بابەتە، زیندان و قوەی قەزاییەیە هەرچی سزاكانی قورستر بكاتەوە ناتوانێ پێش بە ئەنجامدانی تاوان بگەینێت.

شایانی باسە، هەژاری و بێ داهاتی و توندبوونەوەی گەمارۆ نێودەوڵەتییەكان بووەتە هۆی پەرەسەندنی دیاردە نەشیاوە كۆمەڵایەتیەكان و كۆماری ئیسلامیش هەوڵی پێویست بۆ چارەسەركردنی ئەو كێشانە نادات و تەنانەت زۆر كەسیش لەسەر ئەو بڕوایەدان كە زۆرێك لە دیاردە كۆمەڵایەتیەكان لە ئاكامی سیاسەتە سیستماتیكەكانی خودی كۆماری ئیسلامیدا بەرینتر بوونەتەوە.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.