سێ شه‌ممه‌ 21 ئایار 2024

لە ماوەی 12 رۆژدا 41 كەس لە ئێران ئێعدام كراون

لە ماوەی 12 رۆژی رابردوو 41 كەس بە دەستی كۆماری ئیسلامی و لە شارە جیاجیاكانی ئێران لەسێدارە دراون.

بە پێی راپۆرتەكان لەوبارەوە، ڕۆژی سێشەممە، چوارشەممە و هەروەها پێنجشەممە 9، 10 و 11ی مانگی بەفرانبار، لە بەندیخانەكانی كۆماری ئیسلامیی ئێراندا 22 كەس بە تۆمەتی جۆراوجۆر حوكمی سێدارەیان بەڕێوە چووە كە 4 كەسیان ژن بوون.

ئەو كەسانە لە بەندیخانەی شارەكانی كرمان، بەم، مەشهەد، شیراز، نوشهر، بەندەر عەباس و قەزوین 21 كەس لەسێدارە دراون و تۆمەتی ئەو كەسانە كە چواریان ژن بوون بازرگانی بە مادەی هۆشبەر و كوشتنی بە ئەنقەست(قەتڵ) ڕاگەیەندراوە.
لە بەندیخانەی كرمان 8 كەس، بەندیخانەی قەزوین یەك كەس، بەندەر عەباس 3 كەس، بەندیخانەی بەم 2كەس شیراز 3 كەس 1  كەس له نوشهر و مەشهەد 4 كەس حوكمی سێدارەكانیان بەڕێوە چووە.

هەروەها 9 رۆژ پێش ئەوەش، 19 كەس لەوانە “7 كەس لە زیندانی ورمێ،7 كەس لە زیندانی عادڵ ئابادی شیراز، 3 كەس لە زیندانی ناوەندیی زاهێدان، كەسێك لە شاری قەزوین و لاوێك لە شاری مەشهەد” ئێعدام كرابوون، كە سەرجەم حوكمەكانیان قاچاخی مادەهۆشبەرەكان و قەتڵ راگەیەندراوە و لەو رێژەیەش 8 كەسیان كورد بوون.

شایانی باسە، ئێعدام لە ئێران لە لایەن كۆماری ئیسلامیەوە بە بیانووی چاوترسێن كردنی هاوڵاتیان بۆ روونەكردنە تاوان جێبەجێ دەكرێ، بەڵام كارناسان و پسپۆڕانی كۆمەڵایەتی لەسەر ئەو بڕوایەدان، كە ئێعدام و بەتایبەت ئێعدام لە پێش چاوی خەڵك، نەك هەر خەڵك چاوترسێن ناكات، بەڵكە دەبێتە هۆی سازبوونی كەشی ترس و دڵەڕاوكە لە نێوان هاوڵاتیاندا.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.