زاگرۆس پۆست
1245 كارگە و یەكەی بەرهەمهێنانی پیشەسازی لە پارێزگای ورمێ داخراون.
“قوربانعەلیی سەعادەت” پارێزگاری ورمێ لە چاوپێكەوتن بە سەرۆكی هەیئەتی بەڕێوەبەری و بەڕێوەبەری گشتیی بانكی سپە، دەڵێ: دەبێ بانكەكان لە دابینكردنی سەرمایە لە وەگەڕخستنەوەی یەكە ڕاگیراوەكانی ئەم پارێزگایە بەشدار بن.
ناوبراو دەڵێ، ئەو یەكانە بە هۆی هەڵكشان داكشانی ئابووری و گیروگرفتی دابینكردنی سەرمایە تووشی دابەزین هاتوون و هەر ئێستا بۆ پێدانەوەی ئاسانكارییە بانكییەكان گیروگرفتیان هەیە.
سەعادەت هەروەها دەڵێ: بە چالاك‌كردنەوەی 850 یەكەی بەرهەمهێنانی وەستاو لەو 1245 یەكەیە، دەكرێ بۆ 18 هەزار كەس هێزی كار و هەلی شوغڵی پێك بهێنرێ.
جێگای ئاماژەیە، دەوڵەتی حەسەن ڕۆحانیش پاش تێپەڕبوونی دوو ساڵ هێشتا نەیتوانیوە بارودۆخی ئابووری و پیشەسازیی ئێران باش بكات و گەشەكردنی ئابووریی ئێران بە ڕێككەوتنی ئەتۆمیی ئێران و ڕۆژاوا بەستراوەتەوە.
