زاگرۆس پۆست
بە هۆی سەرماو سۆڵەی زۆر و تاقەت پڕوكێن 7 سەرباز لە ناوچە كوێستانیەكانی شاری “شنۆ” گیانیان لەدەستدا.
بە پێی هەواڵی گەیشتوو بە “زاگرۆس پۆست”، 7 سەربازی سەر بە هەنگی مەرزیی “كێلە شین”ی شاری “شنۆ” لە ناو بەفردا نوقم بوون و بە هۆی سەرماو سۆڵەی لە رادەبەدەر گیانیان لەدسە داوە.
هاواڵەكە باس لەوە دەكات، كاتێ ئەو 7 سەربازە كەمین دادەنێن و 20 سەر ئەسپی كاسبكارانی كورد بە زەبری گوللە دەكوژن و پاشان بە هۆی هەرەسی ڕنوە بەفرەوە دەبنە ژێرەوە و هەر حەوتەكەیان گیانیان لەدەوست دەدەن.
دەوترێ ئەو 7 سەربازە هەر هەموویان تورك زمانن و خەڵكی شاری “میاندواو” لە شارانی كوردنشینی سەر بە پارێزگای “ورمێ” بوون.
هەروەها هەواڵێكی دیكە باس لەوە دەكات: لە حاڵێكدا كە دەستەیەك لە سەربازانی هێزی هەنگی مەرزیی “نالوس”ی شنۆ لە پاسگای “ناویە سوور” بە دەستوری فەرماندەرانیان سەرقاڵی گەشت لێدان بوون، رێگەیان ون كردوە و بێ سەروشوێن بوون و پاش رۆژێك لە قەومانی ئەو رووداوە، جەنازەی یەكێك لەو سەربازانە بە ناوی “تەوحید حەیدەری” خەڵكی “مەرەند” كە لە حاڵی تێپەڕاندنی دەورانی خزمەتی ئیجباری بووە؛ دۆزراوەتەوە و هۆكاری مردنی، سەرمابردوویی راگەیاندراوە.
شایانی باسە، ساڵانە بە هۆی هێرشی هێزە چەكدارەكانی كۆماری ئیسلامی بۆ سەر كۆڵبەران و كاسبكاران بە دەیان كۆڵبەر و كاسبكاری كورد گیان و سروەت و سامانیان دەبێتە قوربانی. هەر لەو پەیوەندەشدا ساڵانە بە دەیان سەربازی ناشارەزا لە سەر سنوورەكانی كوردستان، بە هۆی بڕیاری فەرماندەكانیان دەكەونە گەشت لێدان و زۆر جار بە هۆی رێگا ون كردن و ناشارەزایی و سەرما و سۆڵەی زۆر كە لەشیان عادەتی پێ نیە، گیانیان لەدەست دەدەن.
