زاگرۆس پۆست
لە ماوەی رۆژانی رابردوودا كرێكارێكی كارخانەی قەندی “ورمێ” لە كاتی كاردا گیانی لەدەستدا.
بە پێی راپۆرتی ماڵپەڕی پەیام، چەند رۆژ لەوەپێش كرێكارێكی كارخانەی قەندی “ورمێ” كە لە بەشی ئاسیاو كردنی چەوەندەر كاری دەكرد، بە هۆی نەبوونی ئیمكاناتی ئیمەنی شوێنی كار كەوتۆتە نێو ئاسیاوەكە و دەستبەجێ گیانی لەدەستدا.
هەروەها لە هەواڵێكی دیكەدا هاتووە، كە كرێكارانی خزمەتگوزاریی شاریی شارەداریی “نەغەدە” ماوەی سێ مانگە حەقدەستیان پێنەدراوە.
پەیمانكاری بەشی خزمەتگوزاریی شاریی شاری “نەغەدە” گوشارێكی زۆری خستۆتە سەر كرێكارانی ئەم بەشە و نە تەنیا ماف و حەقدەستی سێ مانگی كرێكارانی ئەم بەشە پێیان نەدراوە، بەڵكوو بیمەكانیشیان بە شێوەی كاتی و بۆ ماوەی ١٥ یان ٢٠ رۆژە تازە دەكاتەوە.
