زاگرۆس پۆست
تۆڕی مافی مرۆڤی سووریە رایگەیاند، ژمارەی رۆژنامەنووسە كوژراوەكان لەسووریە، لەدوای دروستبوونی راپەڕینی خەڵكی ئەو وڵاتە لە سەرەتاكانی ساڵی 2011ەوە تاوەكو ئەم مانگە گەیشتە 379 رۆژنامەنووس .
ئەمەش لەحاڵێكدایە، كە مانگی رابردوو 6 رۆژنامەنووس لەلایەن هێزەكانی ئەرتشی سووریە كوژران و 3ی دیكەش برینداربوون . هەروەها لە مانگی رابردوودا 4 رۆژنامەنووس لە لایەن هێزەكانی حكومەتی سووریەوە گیران و 4ی دیكەش لەلایەن هێزە نەیارەكانی حكومەتی ئەو وڵاتەوە گیران.
تۆڕی مافی مرۆڤی سووریە لەو راپۆرتەیدا، كە لە سەرەتای ئەم مانگەدا بڵاویكردووەتەوە، دەڵێ پیشەی رۆژنامەنووسی لە سووریەدا لە ژێر هەڕەشەیەكی گەورەدایە و بەهۆی سیاسی و سەربازی كردنی رۆژنامەنووسان لەو وڵاتە، جگە لەو خوێنە بەردەوامەی لە جەستەی رۆژنامەنووسان دەڕێژرێت، هیچ چاوەڕوانیەكی دیكەی لێ ناكرێ.
