زاگرۆس پۆست
هێزە چەكدارەكانی كۆماری ئیسلامی لە ناوچە سنوورییەكانی مەریوان، كۆڵبەرێكیان دایە بەر تەقەی راستەوخۆ.
بەپێی راپۆرتی ماڵپەڕی كوردستان میدیاچەكدارەكانی كۆماری ئیسلامی لە بەشی خاومیرئاوا، كۆمەڵێك كۆڵبەریان دایەبەر تەقەی راستە وخۆ.
لەو دەستڕێژییەدا كە لەلایەن چەكدارەكانی كۆماری ئیسلامیەوە لە نزیك گوندی “هانە شێخان” و “گاگل” رووی دا، كۆڵبەرێكی خەڵكی شاری سنە بە ناوی “عەلی تامە” كەوتەبەر تەقەی راستە وخۆی هێزە نیزامییەكان و بریندار بوو.
هەر لەم رووداوەدا، ٨ سەر ئەسپی بارهەڵگری كاسبكاران كوژراون و كەلوپەلی كاسبكارانیش دەستییان بە سەردا گیراوە.
شایانی باسە، ئامارەكان باس لەوە دەكەن، كە لە ماوەی شەش مانگی سەرەتای ئەمساڵدا، ٦٤ هاووڵاتیی كورد لەلایەن هیزە نیزامییەكانی رێژیمی ئێران كەوتوونەتە بەر تەقەی راستە و خۆ و كوژراو و بریندار بوون.
