زاگرۆس پۆست
سه‌رچاوه‌یه‌کی هه‌واڵ به زاگرۆس‌پۆستی ڕاگه‌یاند، له‌م حه‌فته‌یه‌دا دادگای شۆڕشی تاران حوکمی له‌سێداره‌دانی بۆ به‌ندکراوێکی کورد له گرتوخانه‌ی ئێوین به بنه‌ماڵه‌که‌ی ڕاگه‌یاندووه. به‌گوێره‌ی هه‌واڵه‌که ‘فه‌رزاد هونه‌رجو’ ته‌مه‌ن 24 ساڵ خه‌ڵکی ئاوایی ده‌ڵ سه‌ر به سه‌وڵاوا ماوه‌ی 3 ساڵ پێش ئێستاو له ماڵی خۆی له ئاوایی ده‌ڵ له لایه‌ن هێزه ئه‌منیه‌کانه‌وه ده‌سبه‌سه‌ر کراوه.
شایانی باسه فه‌رزاد له کاتی ده‌ستبه‌سه‌ر کرانیدا خوێندکار بووه، هۆکاری ده‌ستبه‌سه‌ربوونی ئه‌م به‌ندکراوه تا ئێسته ئاشکرا نه‌بووه.
ده‌وترێت ناوبراو هه‌ڵگری هیچ بیرۆکه‌یه‌کی سیاسیی حزبی نه‌بووه‌و پێده‌چێت به تاوانی ئاییینی ده‌ستبه‌سه‌ر کرابێت.
