زاگرۆس پۆست
رێژەی قوربانییانی شەڕی ناوخۆیی سووریە، پاش ٣ ساڵ لە دەستپێكی ئەو شەڕە، بەردەوام لە حاڵی بەرزبوونەوە دایە.
بە پێی راپۆرتی “والری ئاموس” بەرپرسی كومیتەی مرۆڤ‌دۆستانەی رێكخراوی نەتەوە یەكگرتووەكان، ئامارەكانی ئەم رێكخراوەی بە درێژایی سێ ساڵ و ٨ مانگ رابردووی شەڕی ناوخۆیی سووریە ئێستاكە ١٢ میلیون و ٢٠٠ هەزار هاوولاتیی سووری پێویستیان بە یارمەتیی مرۆڤ دۆستانە هەیە.
هەروەها، ئامارەكان دەرخەری ئەوەن كە لە ساڵی ٢٠١١ی زایینی هەتا ئێستا، ئابووریی وڵاتی سووریە لە سەدا ٤٠ دابەزیوە و خەڵكی ئەم وڵاتە لە سەدا ٧٥ی لە ژێر هێڵی هەژاریدا بەسەر دەبن.
لە ماوەی ٣ ساڵی رابردوودا، لە 50% خوێندكارانی سووری لە خوێندن وازیان هێناوە.
هەروەها رێكخراوی نەتەوە یەكگرتووەكان، هەواڵی ئاواەرە و تەریدە بوونی نزیك بە ١٠ میلیون هاووڵاتیی سووری لە ناوخۆ و دەرەوەی ئەو وڵاتە، شوێنی ژیانی خۆیان بەجێهێشتووە.
لەو نێوانەدا، ٧ میلیون و ٦٠٠ هەزار كەس لە نێوخۆی سووریە بێ ماڵوحاڵ و ئاوارە بوون و جیا لەوەش ٣ میلیۆن و ٢٠٠ هەزار كەسی دیكەش لەو وڵاتە رایان كردووە و لانیكەم ٢٢٠ هەزار كەس لە خەڵكی وڵاتی سوریە، گیانیان لەدەستداوە.
