زاگرۆس پۆست
كارخانەی قەندی “پیرانشار” بە دزیكەوە “زێی بچوك” ژەهراوی دەكات.
ماڵپەڕی كوردستان و كورد بڵاوی كردووەتەوە، كە ئەمسالیشس وەك ساڵانی رابردو كارخانەی قەندی “پیرانشار” لەم وەرزە دا پاشماوە ژەهراوییەكانی بە دزی دەرژێنێتە نێو چۆمی لاوێن كە یەكێكە لە سەرچاوەكانی زێی بچووكە.
دەوترێ ساڵانی رابردودا هیندێك بەدواداچون لەلایەن كەسانی دلسۆزەوە بۆ ئەو مەسەلەیە كراوەو كارخانەیان ناچار كردوە دەزگای پاڵاوتن بۆ پاشماوە شیمیایی و ژەهراوییەكانی دابنێ، بەڵام بە هۆی گرانبوونی دەزگاكانی پاڵاوتن‌و تێچووی زۆری پاڵاوتن، كارخانە بە دزی‌و هەر كە دەرفەتی هەبوو لە وەرزی بارانداو تەنانەت بە شەوانە، پاشاوە ژەهراوییەكانی بەردەداتەوە نێو چۆمی “لاوێن” و دەبێتە مایەی زەرەرو زیانێكی زۆر بۆ ژینگەی ناوچەكە.
شایانی باسە خەلكی ناوچەكە دەڵێن پاشاوی كارخانەی قەندی “پیرانشار” كە بە شێوەی نایاسایی دەیرژێننە نێو چۆمی لاوێن، مادەیەكی ڕەشە وەك قیر كە ژاراوییە و چ ماسی باڵندە یان مەڕو مالاتی خەڵك بیخوا پێی دەمرێ‌و هەروەها دیمەنێكی پیس و ناشیرینیش بە چۆم‌و ئاوی ناوچەكە دەدا.
