پێنج شه‌ممه‌ 28 ئازار 2024

داخران و نیوەچالاك بوونی 36 هەزار یەكەی بەرهەمهێنان لە “ئێران”

جێگری وەزیری پیشەسازیی كۆماری ئیسلامی ئێران لە هەواڵێكدا بڵاوی كردەوە كە ١٤ هەزار یەكەی بەرهەمهێنان داخراون و ٢٢ هەزاری دیكەش بە شێوەی نیوە چالاك كار دەكەن.

هەواڵنێرییە حكومەتیەكان باس لەوە دەكەن، كە جێگری وەزیری پیشەسازیی، كان و بازرگانیی رێژیمی ئێران رایگەیاندووە: ٣٦ هەزار یەكەی پیشەیی و بەرهەمهێنان لە ئێراندا بە هۆی نەبوونی توانای ماڵی و بارودۆخی نالەباری ئابووری، داخراون یان بە شێوەی نیوەچڵ درێژە بە كار دەدەن.

بەپێی ئامارەكانی وەزارەتی پیشەسازیی، كان و بازرگانی هەنووكە زیاتر لە ١٤ هەزار یەكەی بەرهەمهێنان لە ئێران داخراون.

ئامارەكانی وەزارەتی پیشەسازیی، كان و بازرگانی هەروەها دەرخەری ئەوەیە كە ٢٢ هەزار یەكەی بەرهەمهێنان لە بەرەبەری داخران دان.

دۆخی نالەباری ئابووری بووەتە هۆی ئەوەیكە ٣٦ هەزار یەكەی بەرهەمهێنان و پیشەیی دابخرێن یا لە حاڵەتی داخراندا بن و ئەوە لە سەر ٢٤ هەزار یەكەی بەرهەمهێنانی دیكەش كاریگەری نەرێنی داناوە و بووەتە هۆی ئەوەیكە لەگەڵ دابەزینی بەرچاو بەرەڕوو ببنەوە.

داخرانی یەكە بەرهەمهێنەر و پیشەیەكان لە ئێران لە پارێزگا كوردنشینەكان بەرچاوتر بووە و بۆتە هۆی ئەوەیكە بێكاری و هەژاری لە ناوچە كوردنشینەكان زیاتر پەرە بستێنێت.

لە بواری داخرانی یەكە بەرهەمهێنەر و پیشەیەكان لە پارێزگا كوردنشینەكان لە ٢ هەزار و ٨٠٠ یەكەی بەرهەمهێنان لە پارێزگای ئورمیە ١ هەزار و ٢٤٥ یەكە داخراون.

داخرانی 47% ی یەكە بەرهەمهێنەر و پیشەیەكان لە ئورمیە بووەتە هۆی ئەویكە زیاتر لە ١٨ هەزار كەس لەو پارێزگایە بێكار بن.

هەروەها بەڕێوەبەری گشتیی پیشە، كانگا و بازرگانی پارێزگای سـنە رایگەیاندووە كە 70% ی یەكە پیشەییەكان لەو پارێزگایە داخراون.

لەو پەیوەندییەدا ئامارە نافەرمییەكانی باس لەوە دەكەن كە زیاتر لە 75% ی یەكە بەرههێنەرەكان لە پاریزگای كرماشان داخراون.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …

وەڵامێک بنووسە

پۆستی ئەلکترۆنیکەت بڵاو ناکرێتەوە .

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.