زاگرۆس پۆست
چالاكێكی كرێكاریی كورد بە ناوی “فەردین میرەكی” لە لایەن هێزە چەكدارەكانی كۆماری ئیسلامیەوە دەستگیركرا.
بە پێی هەواڵی “كومیتەی هەماهەنگی بۆ یارمەتیدان بە مەبەستی پێكهێنانی رێكخراوە كرێكارییەكان”، چالاكێكی كرێكاریی كورد خەڵكی شاری “سنە” بە ناوی “فەردین میرەكی” سەرلەبەیانی رۆژی شەممە یەكی مانگی سەرماوەز لە لایەن هێزە چەكدارەكانی كۆماری ئیسلامیەوە دەستیگر و راپێچی شوێنێكی نادیار كراوە.
بە پێی ئەو هەواڵ، پاش دەستگیر كردنی فەردین میرەكی ماڵەكەیشی لە لایەن ئەو چەكدارانە پشكێندراوە و زۆرێ لە كەلوپەلەكانی تێكشكێندراوە و خۆیشی راپێچی شوێنێكی نادیار كراوە و هەتا ئێستاش هیچ زانیارییەك لەسەر چارەنووسی لەبەردەستدا نیە.
