تەقینەوەیەك پارێزگای “هەولێر”ی هەژاندەوە

تەقینەوەیەك لە بەردەم پارێزگای شاری هەولێر هاتە ئاراوە و لە ئاكامدا ژمایەك گیانیان لەدەستدا و ژمارەیەكی دیكەش بریندار بوون.

كاتژمێر 12ی نیوەڕۆی ئەمڕۆ چوارشەممە 28ی مانگی خەزەڵوەر ئۆتۆمبیلێكی جۆری “هوندا” لە بەردەم بینای پارێزگای شاری هەولێر تەقیەوە و تا ئێستا 4 كەس بەو هۆیەوە گیانیان بەخت كردووە و 29 ی دیكەش بریندار بوون.

ئەو تەقینەوەیە كە گرووپی داعش ئەنجامدانەكەی گرتووەتە ئەستۆ، بووەتە هۆی گیانبەخت كردنی 2 پۆلیس و 2 هاوڵاتی مەدەنی و بریندار بوونی ژمارەیەكی دیكە و تێكشكاندنی ئەند ئۆتۆمبیلی هاوڵاتیانی مەدەنی.