زاگرۆس پۆست
كرێكارانی تەعاونی خانووبەرەی ئیدارەی سەرچاوە سروشتیەكانی شاری “سنە” كۆبوونەوەیەكی ناڕەزاییان دەربڕینیان بەڕێوەبرد.
سەرچاوەكانی هەواڵ لەمبارەوە باس لەوە دەكەن، كە رۆژی چوارشەممە 21ی مانگی خەزەڵوەر، ئەو كارمەندانه بەمبه ر بە پێ نەدانی ئەو عەرزانەی كە بڕیار بوو لە لایەن تەعاونی خانوبەرەوە پێیان بدرێت ناڕەزاییان دەربڕیوە، بەڵام كاربەدەستانی پەیوەندیداری ئەو ئیدارەیە، لە دانی عەرز بەو كارمەندانە خۆی بواردووە و گوێ لە خواست و داواكارییەكانیان ناگرێ.
شایانی باسە، لەو كۆبوونەوە ناڕەزاییانەدا، جێگری عومرانی ئیدارەی سەرچاوە سروشتیەكان ئامادە بووە و بەڵێنی پێداون و كە بەدواداچوونی خواست و داواكارییەكانیان دەكات، بەڵام كرێكارانی تووڕە و ناڕازیی درێژەیان داوەتە كۆبوونەوەكەیان و لە ئاكامدا ئەو كۆبوونەوەیە بە دەستێوەردانی چەكدارەكانی كۆماری ئیسلامی كۆتایی پێ هاتووە.
