زاگرۆس پۆست
ژمارەیەكی بەرچاو لە وەرزێڕانی “گەرمە شامی” لە شاری كامیاران لە ناڕەزایی بۆ بەدوادانەچوونی خواست و داواكارییەكانیان لە لایەن رێكخراوی ناوەندی تەعاونی گوندەكانی ئێران، لە بەردەم یەكیەتی گوندنشینانی شارەكە كۆبوونەوەیەكی ناڕەزایی دەربڕینیان بەڕێوە برد.
بە پێی هەواڵی گەیشتوو بە *زاگرۆس پۆست*، ئەو وەرزێڕانە كە ماوەی دوومانگە پارەكەیان وەرنەگرتووە و رێژەیان پتر لە 100 كەس خەمڵێندراوە، دوانیوەڕۆی رۆژی یەكشەممە 18ی مانگی خەزەڵوەر، لە ناڕەزایی بە جێبەجێ نەكردنی خواست و داواكارییەكانیان بە هۆی كڕینی “گەرمە شامی” لە لایەن رێكخراوی ناوەندی تەعاونی گوندەكانی ئێران، لە بەردەم ناوەندی یەكیەتی گوندنشینەكانی شاری كامیاران كۆبوونەوەیەكی ناڕەزایی دەربڕینیان بەڕێوە برد و خوازیاری جێبەجێ كردنی خێڕای داواكارییەكانیان بوون.
