نوێترین ئاماری گیانبەختكرادووانی كۆبانێ و كوژراوانی داعش لەو شارە بڵاو كرایەوە

لەسەرەتای‌ دەستپێكردنی‌ شەڕی لە كۆبانێ لە ماوەی 2 مانگی رابردوودا، زیاتر لە هەزار كەس كوژراون كە زۆربەیان چەكدارانی داعش پێكی دەهێنن.

“رامی‌ عەبدورەحمان” بەرێوەبەری‌ رێكخراوی مافی مرۆڤی سوریە رایگەیاند، بە فرانس پرێسی‌ راگەیاندوە هەزار و 13 كەس لە جەنگی‌ كۆبانییدا كوژراون‌و لەو ژمارەیەش 609 كەسیان چەكدارانی‌ داعشن.

ناوبراو رونیكردوەتەوە، كە لە ماوەی دوو مانگی رابردوو 363 شەڕڤانی‌ خەڵكی كۆبانێ و 16 چەكداری‌ ئۆپۆزسیۆن لەگەڵ خۆبەخشێكی‌ خەڵكی سوریە‌ 24 هاوڵاتی‌ گیانیان بەخت كردووە.

رامی‌ هەروەها ئاماژەی‌ بەوەكردوە، كە كوژراوانی‌ داعش تەنها ئەوانەن كە لە ناو كۆبانی‌‌ و دەوروبەریدا كوژراون ‌و ئەوانەی‌ تێدا نیە كە لە بۆردومانی‌ هاوپەیماناندا كوژراون.

كۆبانێ‌ سێهەم شاری‌ گەورەی كوردستانی رۆژئاوایە و لە ماوەی نزیك بە 2 مانگ لە بەربەرەگانێ و خۆڕاگری دژی هێرشی چەكدارانی داعشدایە.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …

وەڵامێک بنووسە

پۆستی ئەلکترۆنیکەت بڵاو ناکرێتەوە .

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.