هه‌ینی 18 حوزه‌یران 2021
ماڵەوە / ئێران / زەختی حكومەتی عێراق بۆ سەر”موجاهدینی خەلق” بەردەوامە

زەختی حكومەتی عێراق بۆ سەر”موجاهدینی خەلق” بەردەوامە

گوشار و زەختی حكومەتی عێراق بۆ سەر كەمپی نیشتەجێ بوونی ئەندامی “رێكخراوی مجاهدینی خەلق” بەردەوامە و بەم هۆیەوە ئەندامێكی ئەو رێكخراوەیە گیانی لەدەستدا.

بە پێی هەواڵێ كە بە “زاگرۆس پۆست” گەیشتووە، گەمارۆ و ئازاری سەر ئەندامانی “رێكخراوی موجاهدینی خەلق” لە كەمپی “لیبرتی” بەردەوامە و وێڕای هاتنی وەرزی سەرما، هێزەكانی ئەرتشی عێراق پێش بە گەیشتنی سووتەمەنی بۆ ئەو كەمپە دەگرن و لە بواری خۆراكیشدا گەمارۆیان داون.

لە درێژەی هەواڵەكەدا هاتووە، كە منداڵی بنەماڵەكانی نیشتەجێی لیبرتی تووشی نەخۆشی سەخت هاتوون، بەڵام هێزەكانی ئەرتشی عێراق پێش بە گەیاندنی دەواو دەرمان و گواستنەوەی ئەو منداڵانە بۆ نەخۆشخانە دەگرن و لە ئاكامیشدا ژنێك بە ناوی “فەریدە وەنایی” گیانی لەدەستداوە.

شایانی باسە، پاش هێرشی ئەمریكا بۆ سەر عێراق لە ساڵی 2003ی زایینی و رووخانی دەسەڵاتی بەعسی عێراق بە سەرۆكایەتی “سەدام حسێن” رێكخراوی موجاهێدینی خەلقی ئێران كە لە بەعسیەكان نزیك بوو، كەوتە بەر زەخت و گوشاری دەسەڵاتی نوێی عێراق و لەو كاتەوە تا ئێستا چەندین كەس لە ئەندامانی گرووپی موجاهدین كوژراون و بە سەدان كەسیشیان بۆ وڵاتانی ئوروپایی گواسترانەوە.

بابەتی هاوپۆل

ھێزەکانی ئیتلاعاتی ئیران، ھاووڵاتییەکی خەڵکی پاوەیان دەسبەسەر کرد

ھێزەکانی ئیتلاعاتی ئیران، ھاووڵاتییەکی خەڵکی پاوەیان دەسبەسەر کرد بە پێی ھەواڵەکان ئیمرۆ پێنج شەممە ٢٧ی جۆزەردان، …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.