زاگرۆس پۆست
چوار كەس لە دەستگیركراوانی شاری سنە هەتا ئێساش چارەنووسیان نادیارە.
بە پێی ئەو هەواڵانەی بە *زاگرۆس پۆست* گەیشتووە، هەتا ئێستا و پاش یەك هەفتە تێپەڕبوون بەسەر خۆپیشاندانی كۆمەڵانی خەڵكی شاری سنە بۆ پشتیوانی لە خۆڕاگری و مقاومەتی شاری كۆبانی هەتا ئێستاش چارەنووسی 4 كەس لە دەستگیر كراوەكان نادیارە.
بە پێی ئەو هەواڵە، چارەنووسی 4 كەس لە دەستگیر كراوەكان بە ناوەكانی “سوهراب جەلالی، خالید حسێنی، جەهانبەخش وەكێڵی و یەدێ سەمەدی” هەتا ئێستاش نادیارە.
شایانی باسە، لە ماوەی خۆپشاندانی رۆژ یەكی مانگی نوامبر بەرامبەر بە 11ی مانگی خەزەڵوەر وەكوو “رۆژی جیهانی كۆبانێ” 17 كەس لە رێكخەران و بەشداربووانی خۆپیشاندانە بەرینەكەی شاری سنە دەستگیر كران، كە ژمارەیەكیان ئازاد كراون، بەڵام هەتا ئێستاش چارەنووسی ئەم 4 كەسە نادیارە.
