زاگرۆس پۆست
بە پێی ئەو هەواڵانەی بە زاگرۆس پۆست گەیشتووە، رۆژی یەكشەممە 4ی مانگی رەزبەر كۆمەڵێكی بەرچاو لە كارمەندانی ژینگەی پارێزگای ئیلام لە ناڕەزایی بە دەركردنەكان لەم رێكخراوەیە لە بەردەم مەجلیسی كۆماری ئیسلامی لە شاری تاران كۆبوونەوە.
بە وتەی بەشێك لە ناڕازییانی ژینگەی پارێزگای ئیلام، كە بە بێ هیچ بیانوویەك ئەوانیان لەسەر كار دەركردووە، هیچ وەڵامێكیان بۆ ئەو كارمەندانە نیە و هۆكاری سەرەكی ئەم كردەوەیە رانەگەیەندراوە.
شایانی باسە، تا ئێستا ژمارەیەك لە كارمەندان و خزمەتگوزارانی دام و دەزگاكانی كۆماری ئیسلامی لە پارێزگا جیا جیاكان لەوانە دەركردنی 300 كارمەندی زانكۆی زانستی پیزشكی كوردستان لە شاری سنە بڵاو كراوەتەوە، بەڵام ناوەندە پەیوەندیدارەكان لەوبارەوە هیچ هەڵوێستێكی جیدییان نەبووە.
