زاگرۆس پۆست
ئەمڕۆ ئێوارە خۆپیشاندانێك لە هەولێر بۆ پشتگیریكردنی زیاتر لە كۆبانێ، كە لەلایەن كوردانی رۆژئاوا سازكراوە دەستیپێكرد.
بە پێی راپۆرتی هەواڵنێریی روودا، خۆپیشاندەران لە باخچەی رووناكیەوە بەڕێكەوتن بەرەو قەڵای هەولێر و لەوێ گردبوونەوەو داوا لە كوردانی هەموو پارچەكانی كوردستان دەكەن كە پشتگیری زیاتری كۆبانێ بكەن و هاوكارییەكانیان زیاتر بكەن بۆ كۆبانێ.
نوێنەرانی سیاسی رۆژئاوای كوردستان كە ئامادەی خۆپیشاندانەكە بوون، سپاسی هەڵوێستی سەرۆكایەتی هەرێمی كوردستان و پەرلەمانی كوردستانیان كرد بەرامبەر بە ناردنی هێزی پێشمەرگە و هاوكاری سەربازی و مرۆیی بۆ كۆبانێ و ئەم بڕیارەیان بە بڕیارێكی گرنگ دانا لە ئێستادا بۆ یەكریزی گەلی كورد.
