زاگرۆس پۆست
هەر ئێستا پەرلمانی كوردستان بە زۆرینەی دەنگ گەڵاڵەی ناردنی هێزی پێشمەرگەی باشووری كوردستان بۆ بەشداریی لە شەڕی دژ بە داعش لە شاری كۆبانێ پەسەند كرد.
بە بێ دەنگی نەیار هەموو ئەندام پارلمانەكانی باشووری كوردستان دەنگیان بە گەڵاڵەی رەوانە كردنی هێزی پێشمەرگە بۆ شاری كۆبانێ كرد و ئەم بڕیارە لە داهاتوویەكی نزیكدا دەڕواتە بەرنامەی كاری حكومەتی هەرێمی كوردستانەوە.
ئەمەش لەحاڵێكدایە كە، دەوڵەتی توركیە رایگەیاندووە كە تەنیا ئیزن بە هێزی پێشمەرگە دەدات لە نێو خاكی ئەو وڵاتەوە هێز رەوانەی شاری كۆبانێ بكەن و ناهێڵن گریلاكانی پەكەكە لەو ناوچەیەوە تێپەڕ ببن و بڕۆنە نێو خاكی كۆبانێ یەوە.
