كچە خوێندكارێك لە باشوور تێزێكی لە سەر مێژووی حیزبێكی رۆژهەڵاتی نووسیوە

كچە خوێندكارێكی خەڵكی باشووری كوردستان تێزی ماستەرەكەی لە سەر مێژووی “كۆمەڵە” لە رۆژهەڵاتی كوردستان نووسیەوە.

ئەو كژە خوێندكارە كە ناوی “شێما”یە بڕیارە سبەینێ دووشەممە 28ی مانگی رەزبەر گفتوگۆنامەی ماستەرەكەی كە لە سەر كۆمەڵە یەكێك لە سەرەكیترین پارتەكانی رۆژهەڵاتی كوردستانە و پتر لە 4 دەهەیە لە گۆڕەپانی سیاسی رۆژهەڵاتی كوردستان خەبات دەكات و بیرۆكەیەكی چەپ و سۆسیالیستی هەیە پێشكەش دەكات.

شایانی باسە، ئەمە یەكەمجار نیە كە خوێندكاران تێزی زانكۆ لە سەر حیزبە كوردیەكان و بەتایبەت *كۆمەڵە* پێشكەش دەكەن و پێشتریش خوێندكارێكی دیكە بە ناوی “زاهیر” كتێبێكی توێژەرانەی لە سەر مێژووی *كۆمەڵە* نووسیوە و ئێستاش لە زانكۆی سلێمانی وەكوو وانەیەكی مێژوویی دەوترێتەوە.