زاگرۆس پۆست
سێ ئەندامی دەستەیەكی ماتۆڕسواری هۆلەندی دەبنە پێشمەرگە لەدژی داعش، دەسەڵاتدارانی هۆلنەدیش هیچ كێشەیەكیان نییە لەسەر بوونیان بە پێشمەرگە.
دادگای هۆلەند ئاشكرای كرد كە سێ هاوڵاتی هۆڵەندی دەبنە پێشمەرگە و هیچ تاوانێكیان نییە لەسەر ئەوەی بوونەتە پێشمەرگە، چونكە دژی رێكخراوێكی تیرۆریستە.
وتەبێژی دادگای هۆلەند فیم دی براون رایگەیاندووە كە، ” لە كۆن دا پەیوەندیكردن بە دەستەی چەكدارەوە قەدەغەبوو هەر كەس بیكردایە رووبەرووی دادگا دەبوەوە، بەڵام ئەم یاسایە بۆ ئەمە جێبەجێناكرێت”.
دەستەی (نوسرند) ی هۆلەندی رایگەیاند كە ژمارەیەك لە كۆمەڵەیەكی ماتۆڕسواریان چوونەتە هەرێمی كوردستان و لەریزی پێشمەرگەدا دژی داعش دەجەنگن.
بەرپرس ئەم دەستەیە كە ناوی كلاوس ئۆتیە بەتەلەفزیۆنێكی هۆلەندی راگەیاندووە كە سیان لە دەستەكەیان گەیشتوونەتە ناو پێشمەرگە لە دەوروبەری شاری موسڵن و وێنەكانیشیان لە فەیسبووك داگرتووە.
