زاگرۆس پۆست
مەحموود عەباس ، سەرۆكی دەسەڵاتی فەڵەستین سەبارەت بە كۆنفڕانسی دووبارە بونیادنانەوەی غەززە كە ئەمڕۆ بەڕێوەدەچێ، لەگەڵ نەبیل ئەلعەرەبی ، ئەمینداری گشتی یەكیەتی عەرەب كۆبوونەوە .
بڕیاروایە مەحموود عەباس لەگەڵ عەبدولفەتاح سی سی ، سەرۆك كۆماری “میسر”یش بۆ باسكردن لەسەر پرۆسەی ئاشتی و دووبارە بونیادنانەوەی غەززە كۆببنەوە، ئەم كۆنفراسە تایبەتە بە پرۆسەی دووبارە بونیادنانەوەی غەززە و بڕیارە ئەمڕۆ یەكشەممە لە قاهیرە بەڕێوەبچێت.
ژمارەیەكی زۆر لە ئەندامانی كۆمەڵگەی نێودەوڵەتی بەشداری ئەم كۆبوونەوەیە دەكەن بۆ ئەوەی چەندین ملیار دۆلار بۆ دووبارە بونیادنانەوەی غەززە كۆبكەنەوە .
بەپێی راپۆرتی نەتەوەیەكگرتووەكان و حكومەتی فەڵەستین، شەڕی نێوان ئیسرائیل و حەماس، كە بۆ ماوەی 50 رۆژ بەردەوام بوو، بووە هۆی رووخانی زیاتر لە 60 هەزار ماڵ و زیاتر لە 5 هەزار شوێـنی بازرگانی ، كە بۆ دووبارە بونیادنانەوەیان پێویستییەكی زۆریان بە هاوكاریی وڵاتان هەیە.
