زاگرۆس پۆست
شاهین نەجەفی گەورە گۆرانیبێژی ئێرانی لە سەر لاپەڕە سەرەكیەكەی فەیسبووكی خۆی و لە سەر وێنەیەكیدا كە جلی كوردی لەبەر كردووە، رایگەیاندووە كە ئەمشەو گۆرانیەكی تایبەت بە كۆبانی دەبێژێت و بەو شێوەیە پشتیوانی خۆی بۆ خەڵكی خۆڕاگری كۆبانی دەردەبڕێت.
ئەو گۆرانیبێژە بەناوبانگكە كە خۆشەویستیەكی تایبەت لە نێو توێژی لاوی ئێرانیدا هەیە، تا ئێستا لە چەندین هەڵوێستی خۆیدا پشتیوانی لە خەڵكی كوردستان و بەتایبەت شۆڕشگی رزگاریخوازانەی كوردستان كردووە.
ئەمەش لەحاڵێكدایە كە تا ئێستا چەندین هونەرمەند و چالاكی سیاسی بەنداوبانگی دیكەی كورد و ئێرانی لەوان شارام نازری، سدیق تەعریف و نەسرین ستوودە پشتیوانی خۆیان بۆ خەڵكی كۆبانی دەربڕیوە و هێرشە جینایەتكارانەكانی چەكدارانی داعش بۆ سەر ئەو شارەیان ئیدانە كردووە.
