زاگرۆس پۆست
بەهۆی خۆپێشاندانەكانی دوو رۆژی رابردوو لە شارەكانی باكووری كوردستان 21 هاوڵاتیی كورد بە گوللەی پۆلیسی توركیە كوژران و 168 ی دیكەش برینداربوون.
بە پێی راپۆرتی هەواڵنێریی رووداو، لە ماوەی رۆژانی سێشەممە و چوارشەممە 16 و 17ی رەزبەر، لەسەرتاسەری شارەكانی باكووری كوردستان بۆ پشتیوانیكردن لە كۆبانێ و بۆ ئیدانەكردنی هەڵوێستی توركیە لەوبارەوە، خۆپێشاندانی ناڕەزایی ئەنجامدراو لە خۆپێشاندانەكانیش شەڕ و ئاڵۆزی لە نێوان كوردەكان و پۆلیسی توركیە دروستبوو.
دەوترَ بەهۆی ئاڵۆزییەكان21 كەس لە خۆپیشاندەرانی كورد گیانیان بەخت كرد و 168 كەسی دیكەش برینداربوون، هەروەها بە سەدان خۆپێشاندەریش دەستبەسەركران.
ئەوەش باسی لێكراوە كە ئەو خۆپێشاندەرانەی گیانیان لەدەستداوە و بریندارن خەڵكی شارەكانی ئامەد، باتمان مێردین و مووشێن.
لەدوای لێدوانەكانی ئەحمەد داوود ئۆغلۆ، سەرۆكوەزیرانی توركیە كاژێر 8:15 ی ئەمشەو لەبەردەم راگەیاندنەكان پارتەكانی “هەدەپە و كەجەكە”ی بە هۆكاری ئەم گرژییانە تۆمەتباركردن و وتی، ئەو ئالۆزییانەی ئەمڕۆ دروستبوون ئەو دوو پارتە لێی بەرپرسن.
