زاگرۆس پۆست
پاش كۆبوونەوە ناڕەزاییانەكەی ئەمڕۆی شاری سنە بۆ پشتیوانی لە شاری كۆبانی، ژمارەیەكی زۆر تراكت و بڵاو كراوە لە ئاستی ئەو شارەدا بڵاو كراوەتەوە كە ناو و نیشانی *كۆمەڵە*ی پێوەیە.
هەواڵەكان لەوبارەوە باس لەوە دەكەن كە، ئەو تراكتگەلە لە ئاستی شاردا بە بەرفراوانی بەرچاو دەكەوێت و باس لەوەش دەكرێ كە لە سەر تراكتەكان داوای پشتیوانی و هاوخەمی لەگەڵ خەڵكی خۆڕاگری كۆبانی و بە گشتی رۆژئاوای كوردستان بكرێ بە مەبەستی بەرپرچدانەوەی هێرشەكانی 22 رۆژی رابردوو لە ئاست ئەو شارەدا.
شایانی باسە، كۆمەڵە رێكخراوی كوردستانی حیزبی كۆمۆنیستی ئێران، بەرپرسیاریەتی بڵاو بوونەوەی ئەو تراكت و ئێعلامیەگەلەی گرتووەتە ئەستۆ.
