زاگرۆس پۆست
به‌ندکراوێکی کورد به ناوی عه‌لائه‌دین دێجه‌وهه‌ر له به‌ندیخانه‌ی ورمێ له سێداره‌درا.
له درێژه‌ی سه‌پاندنی سزای له سێداره‌دان به سه‌ر به‌ندکراوانی کورد له ئێران، دوێنێ پێنجشه‌مه به‌ندکراوێکی کورد به ناوی عه‌لائه‌دین دێجه‌وهه‌ر دوای چه‌ند رۆژ مانه‌وه له ژووری تاکه‌که‌سی له سێداره‌دراو له گه‌ڵ ئه‌ودا به‌دکراوێکی تری کورد به ناوی عادڵ کوهی‌و هه‌روه‌ها به‌ندکراوێکی ئازه‌ری زمان به ناوی ره‌سوڵ قه‌ده‌م‌یاری به هۆکاری نه‌زانراو له ژووری تاکه‌که‌سییه‌وه گه‌ڕێنرانه‌وه به‌شی گشتیی به‌ندیخانه.
به گوێره‌ی هه‌واڵی زاگرۆس پۆست تۆمه‌تی ئه‌و سێ به‌ندکراوه قاچاخی ماده هۆشبه‌ره‌کانه؛ سه‌رچاوه‌که ئه‌وه‌شی راگه‌یاندووه که له ئێستادا نزیکه‌ی هه‌زار به‌ندکراو له به‌ندیخانه‌ی ورمێ به تۆمه‌تی قاچاخی ماده هۆشبه‌ره‌کان بۆ تورکیه سزای له سێداره‌دانیان به سه‌ردا سه‌پاوه.
