شاره‌وانیی سه‌ڵماس ده‌یان کرێکاری ساده‌ی ده‌رکرد

به‌ڕێوه‌به‌رایه‌تیی سه‌وزایی شاره‌وانیی سه‌ڵماس حه‌فته‌ی پێشوو 28کرێکاری به بێ مافی بیمه له سه‌ر کار ده‌رکرد.

به گوێره‌ی زانیارییه‌کانی زاگرۆس پۆست حه‌فته‌ی پێشوو شاره‌وانیی ناوه‌ندی سه‌ڵماس 28کرێکاری به‌شی سه‌وزایی‌و ئاودێریی ناوشاری له ناکاوو به بێ مافی بیمه له سه‌ر کار ده‌رکرد. سه‌رچاوه‌یه‌ک ئه‌وه‌ی روون کردووه‌ته‌وه که هه‌ریه‌که له‌و کرێکارانه خێزاندارو خاوه‌ن ئه‌زمونی 3 تا 15 ساڵ کارکردنن له‌و به‌شه‌دا.

سه‌رچاوه‌که ئه‌وه‌شی راگه‌یاندووه که کرێکارانی به‌شی سه‌وزایی شاره‌وانیی شاری سه‌ڵماس له بێبه‌شترین کرێکاره‌کانی ئه‌و شاره‌ن‌و ته‌نانه‌ت له کاتی کارکردنیشدا زیاتر له نیوه‌ی ساڵ به هۆی باران‌و سه‌رماوه‌ کاریان نه‌بووه‌و هیچ موچه‌یه‌کیان پێ نه‌دراوه.

…

وێنه: سه‌رۆکی شاره‌وانیی سه‌ڵماس‌و کرێکاران