زاگرۆس پۆست
گروپی تاڵیبان له ئه‌فغانستان 15هاوڵاتیی ئه‌و وڵاته‌ی به هۆی جیاوازیی نه‌ته‌وه‌یی له پارێزگای غوری ئه‌و وڵاته گوله‌باران کردو سه‌رجه‌میان گیانیان له‌ده‌ستدا.
ئه‌مڕۆ هه‌ینی کابول پرێس ژماره‌یه‌ک وێنه‌ی له ناوچه‌یه‌کی پارێزگای غور ی ئه‌فغانستان بڵاو کرده‌وه که تێیدا 15پیاوی زیاتر به‌ساڵاچوو که به‌ره‌و ناوچه‌ی هه‌زاره به‌ڕێوه بوون گوله باران کراون‌و سه‌رجه‌میان گیانیان له ده‌ستداوه، ئه‌و سه‌رچاوه‌یه راشی گه‌یاندووه تاڵیبان پێش گوله‌بارانکردنی ئه‌و 15که‌سه ئه‌شکه‌نجه‌ی داون‌و هاوکات هۆکاری کوشتنیشیانی بۆ جیاوازیی له گه‌ڵ نه‌ته‌وه‌ی په‌شتون له ئه‌فغانستان گێڕاوه‌ته‌وه.
سه‌رچاوه‌که بڵاوی کردووه‌ته‌وه پێشتریش ئه‌و گروپه 17لاوی هه‌زاره یان به تۆمه‌تی هاوکاریکردن له‌گه‌ڵ حکومه‌ت کوشتووه. ده‌وترێت ناوچه‌ی هه‌زاره ه زۆری له نه‌ته‌وه‌ی په‌شتون‌ن‌و دژایه‌تی گروپی تاڵیبان ئه‌که‌ن‌و به‌هۆیه‌وه تائێستا ژماره‌یه‌کی زۆر قوربانییان داوه.
