ئێران 30نوێنه‌ری پارلمان ئه‌نێرێت بۆ غه‌زه

کۆماری ئیسلامیی ئێران 30نوێنه‌ری پارلمانی خۆی به فه‌رمی ئه‌نێرێته غه‌زه‌و رایگه‌یاندووه مه‌به‌ست له‌و کاره‌ش بینین‌و لێکۆڵینه‌وه‌ کردنه له‌سه‌ر تاوانه‌کانی ئیسراییله‌ له نزیکه‌وه.

کۆماری ئیسلامیی ئێران له رێگه‌ی کۆمیسیۆنی ئاسایشی نه‌ته‌وه‌یی‌و سیاسه‌تی ده‌ره‌وه‌ی پارله‌مانیه‌وه رایگه‌یاندووه له وڵامی درێژه‌ی هێرشه‌کانی ئیسراییل بۆ سه‌ر که‌رتی غه‌زه‌و کوژرانی ژماره‌یه‌کی زۆر له هاوڵاتییانی ئه‌و شاره، بڕیاریداوه 30نوێنه‌ری خۆر ره‌وانه‌ی ئه‌و شاره‌ بکات به مه‌به‌ستی بینینی شه‌ڕه‌که‌و قوربانیانی.

تا ئێستا روون نییه ئه‌و 30که‌سه چ که‌سانێکن‌و به ویستی خۆیان ئه‌چن یا له لایه‌ن کۆمیسیۆنه‌که‌وه رائه‌سپێردرێن، به‌ڵام هه‌واڵه‌که له زاری نوێنه‌ری قه‌سری شیرین‌و گێڵان‌و سه‌رپێڵ زه‌هاوه‌وه‌ بڵاو بووه‌ته‌ووه.