زاگرۆس پۆست
كۆمەڵێك لە هاوڵاتیانی كرماشان كە ناویان بۆ وەرگرتنی خانوو تۆماركردبوو سەرلەبەیانی رۆژی رابردوو 19ی جۆزەردان بە كۆبوونەوە لە بەرانبەر دەفتەری تەعاونی ژمارە 2 دژی بەڵێنی درۆی بەرپرسان كۆبوونەوەیەكی ناڕەزایەتیان وەڕێخست.
بەشداربووانی ئەم كۆبوونەوە رایانگەیاند، بەرپرسان داوای بڕە پارەی زیاتر لە 7 ملیۆن تمەنیان لە ئێمە كردووە بۆ ئەوەی كلیلی ماڵەكانمان پێ بدەن كە ئەمەش لەگەڵ بەڵێنەكانی پێشوویان ناتەبایی هەیە.
شیركەتی تەعاونی ” مسكن مهر” لە كرماشان بەڵێنی دابووە ئەو كەسانەی كە خانوویان نیە یارمەتیان بدات بۆ ئەوەی ببەنە خاوەنی خانوو، بەڵام ئێستا بەرپرسان بەڵێنەكانیان جێبەجێ نەكردووە‌و هاوكات داوای بڕە پارەیەكی زیاتر لە خەڵك دەكەن.
