زاگرۆس پۆست
٤٧ بەندکراوی سیاسی بەندیخانەی ناوەندیی ورمێ، بەرانبەر بە بڕیاری گواستنەوەیان بۆ بەندیخانەیەکی دیکە مانیان لە خواردن گرت.
ئەم بەندکراوانە ڕۆژی یەکشەممە ڕێکەوتی ٢١ی سەرماوەزی ساڵی ١٤٠٠ی هەتاوی، مانیان لە خواردن گرت و تا ئێستاش بەردەوامن لە مانگرتنیان.
شەش ڕۆژ بەسەر مانگرتنی ئەم ٤٧ بەندکراوە سیاسیە تێدەپەڕێت بەڵام هەتا ئێستا بەرپرسانی بەندیخانە هیچ گرینگیەکیان بە مانگرتنیان نەداوە و قەرار وایە بۆ بەندیخانەیەکی بیانگوازنەوە کە ئیمکاناتی سەرەتایی بۆ ژیان و تەندروستی تیایدا بەدی ناکرێت.
